Аллергиялық реакциялар – жеңіл тітіркенуді және денсаулық үшін ауыр зардаптарды тудыратын кең таралған түйткілді мәселе. Презервативтерге, дәлірек айтқанда, презервативтің жасалған материалына төзбеушілік жағдайында, жайсыздық тікелей жыныстық қатынас кезінде немесе одан кейін пайда болады. Бұл дәстүрлі контрацепция әдісінен бас тарту керек дегенді білдіре ме? Әлде балама бар ма?
Неліктен презервативке аллергия туындайды?
Реакцияның себебі – бұйымды құрайтын компоненттерді организмнің қабылдамауы. Презервативтер жағдайында аллергеннің рөлін латекс құрамындағы ақуыздар немесе қоспалар атқарады. Әдетте, сапасыз майлар тітіркенуді тудыруы мүмкін. Бір реттік қолғапты пайдаланатын дәрігерлер мен каучук өндірісінің жұмысшылары осындай жағымсыз көріністерге тап болады.
Тағамдық аллергияға, ең алдымен, жаңғаққа, қызанаққа, авокадоға, кивиге, алмаға аллергиясы бар адамдарда латекске жағымсыз реакция қаупі жоғары болып келеді. Істің мәні бұл өнімдерде каучуктың ақуыз қосылыстарына ұқсас заттардың болуында.
Латекстік төзбеушілік қалай көрініс табады?
Негізгі симптомдары жергілікті реакциялармен байланысты: қышу, қызару, түлеу, күйдіру. Ерлерде презерватив жанасатын аумақтан тыс жерде аяқталатын тітіркенудің айқын шекаралары жиі кездеседі.
Қышу және қызарумен қатар келесілер орын алуы мүмкін:
- жыныс мүшесіндегі бөртпе, күпектің ісінуі, несеп шығару кезінде ауырсыну сезімдері;
- қынаптық ісіну, әлсіздік, температураның көтерілуі, бас ауыруы.
Сирек жағдайларда, жергілікті реакциядан басқа, жүйелік өзгерістер байқалады: көзден жас ағу, тұмау, жөтел, тыныс алудың бұзылуы.
Латкеске аллергия жағдайында, немен қорғану керек?
Алдымен, бұл шынымен материалға төзбеушілік екеніне көз жеткізу керек. Арзан, нашар тазартылған латекске ғана реакция туындауы мүмкін, ал сапалы презервативтер жағымсыз көріністерді тудырмайды. Егер брендтің ауысуы және гипоаллергендік қорғауды тексеру нәтиже бермесе, басқа материалдарды сынап көруге болады. Латекске балама ретінде полиуретан мен полиизопрен қолайлы. Синтетикалық презервативтер аллергияны өте сирек тудырады.
Другие новости
ТТабиғаттың өзі ойластырғандай, жайлы секс – бұл ылғал секс. майлау неғұрлым көп болса, кіруі мен табиғи қозғалысы да соғұрлым оңай.
Кинода бірінші секс романтикалық және ерекше болып көрінеді. Шындығында, жыныстық өмірдің бастауы әркез жағымды бола бермейді, осыған орай шаттықтан гөрі көңіліңіз қалып қояды.